Policia e Shtetit ka dalë në një komunikatë paraprake për shtyp për aksidentin misterioz ku humbi jetën në mbrëmje, Murat Duriçi, biznesmen i kromit. Policia ka saktësuar se biznesmeni është përplasur nga një makinë tip “Ford” dhe për pasojë ka humbur jetën.
Policia raporton më tej se shoferi ka braktisur mjetin pas aksidentit dhe është larguar nga vendi i ngjarjes, por është kapur dhe shoqëruar në komisariat. ‘Rreth orës 21.00, në qytetin e ri të Bulqizës, shtetasi M.C, 45 vjeç, banues në Bulqizë, duke drejtuar automjetin tip ‘ford’, ka përplasur këmbësorin M. D., ku si pasojë ka humbur jetën.
Drejtuesi i automjetit pas aksidentit ka braktisur automjetin duke u larguar nga vendi i ngjarjes, ku pas kërkimeve nga ana e policisë është bërë e mundur kapja dhe shoqërimi i tij në komisariat. Grupi hetimor vijon hetimet për zbardhjen e shkaqeve të aksidentit.’
