Paul Holliday është anglezi i cili për vetëm dy javë humbi pasurinë e tij në mënyrë të paimagjinueshme. Ai zotëronte 12 vila luksoze të dhëna me qera si dhe udhëtonte me Porsche në Liverpool, mirëpo kriza financiare e goditi.
“Kam lindur në Kirkby por u pasurova në Liverpool: qyteti ishte gjithmonë e në zhvillim, aq sa arrita të kisha 12 shtëpi luksoze të cilat i jepja me qera me të ardhura të kënaqshme, kisha një stil jete të lartë, dhe lëvizja gjithnjë me Porsche. Ishin vite të pabesueshme, ku Liverpool ishte bërë kryeqyteti europian i kulturës. Por ajo mirëqenie u zhduk me ardhjen e krizës financiare botërore në vitin 2008, ku brenda dy javëve humba gjithçka. Ndodhi çdo gjë papritur dhe nga i pasur që s’pyesja për lekët, ngela thatë, ku nuk arrija dot të paguaja qiranë e shtëpisë ku jetoja me familjen”, rrëfeu Paul për ‘Mirror.
Sipas tij, ajo krizë financiare nuk ishte një tragjedi, por një bekim pasi ai arriti të kuptonte se kishte jë jetesë të gabuar gjatë kohës që rendte pas kokainës.
Mirëpo, ai emigroi së bashku me familjen e tij drejt Australisë, ku i ndryshoi jeta njëherë e përgjithmonë.
“Mundohemi të ndihmojmë njerëzit por jo vetëm nga pikëpamja financiare. Në bazën e projektit tonë, qëndron ndihma e të tjerëve për të gjetur rrugën e tyre. Çdo ditë, unë dhe Michael të shoqëruar nga një numër i madh personash, shkojmë të notojmë, hamë mëngjes bashkë dhe bëjmë biseda stimuluese. Aktivitetet fizike, ndihmojnë edhe për stimulimin e trurit, duke mposhtur çdo pasiguri. Mendoj vërtetë se kjo gjë mund të ndryshojë botën”, theksoi anglezi.
