Emri është diçka që personifikon jo vetëm personin por etimologjia e tij mund të përcaktoj në shumë raste dhe vendin e origjinës së personit.
Moda e emrave është diçka dinamike e cila ndryshon sipas kohës dhe sipas brezave, por këto ndryshime nuk duhet të jenë aq radikale saqë emrat të humbasin identitetin e tyre kombëtar.Po të shohim emrat e fëmijëve më të përdorur në ditët e sotme, do të vërejmë që të gjithë emrat janë të padëgjuar më parë, fjalë me 3 ose 4 shkronja që nuk kanë asnjë kuptim në gjuhën shqipe.
Shqiptarët preferojnë të zgjedhin për fëmijët e tyre emra në gjuhë të huaj pasi u duken më interesant dhe të kohës madje paditur as kuptimin e vetë emrit në gjuhën që ua vendosin. Është për të ardhur keq që i turremi emrave të huaj kur kemi emra aq të bukur e aq me vlera në gjuhën shqipe, që veç të tjerash mund të shqiptohen dhe më thjeshtë dhe të tingëllojnë më bukur.
