Hekurat e qelisë së tij u prenë me mjete dhe më pas ai u arratis nga burgu i Operas. 41-vjeçari Taulant Toma, i cili më parë kishte tentuar me sukses arratisje nga burgjet, është po kërkohet në të gjithë Italinë.
Shqiptari, i cili ishte në njësinë e sigurisë maksimale duke vuajtur dënimin për një sërë krimesh, përfshirë grabitje, arriti të largohej nga burgu duke prerë hekurat e më pas duke përdorur çarçafë të lidhur për të zbritur nga dritarja e qelisë së tij.
Sipas hetuesve, Taulant Toma arriti në murin rrethues të objektit me lartësi 6 metra dhe, pasi u ngjit mbi të, u arratis në mes të natës. Hetuesit po analizojnë kamerat e sigurisë në burgun Opera për të rindërtuar ngjarjen dhe për të përjashtuar çdo “ndihmë” të ofruar të burgosurit në planin e tij të arratisjes.
Gjithashtu do të japë përgjigje rreth kontakteve të mundshme që shqiptari ka pasur në orët para arratisjes së tij.
Përpara incidentit të Milanos, Taulanti kishte arritur të arratisej edhe katër herë të tjera. E fundit ishte në shkurt 2013, kur ai dhe një i burgosur tjetër u larguan nga burgu i Parmës, vetëm për t’u gjetur dhe arrestuar disa muaj më vonë në Belgjikë.
I transferuar në një burg pranë qytetit të Liège, Taulanti gjithashtu arriti të arratiset. Arratisja e tij e parë daton në vitin 2009, kur iku nga burgu i Ternit.
