Categories Lajme

“Jam me Mamicën dhe Vrana Kontin”, çfarë paralajmëron Rama nga ‘Ballkoni i Perëndisë’

Mesdita e kësaj të marte, kryeministrin Edi Rama e gjeti në “Bunin e Bajraktarëve” në Bogë. I shoqëruar nga Ministrja e Shtetit për Marrëdhëniet me Parlamentin e njëkohësisht drejtuese politike e Shkodrës, Elisa Spiropali, ose siç preferon ta quajë në video “Mamica” dhe kryebashkiakun e Shkodrës, Benet Beci, ose siç thotë kreu i qeverisë, “Vrana Konti”, ishin në “Ballkonin e Perëndisë”, 1700 metra mbi nivelin e detit.

E aty, kryeministri paralajmëroi një ngjitje drejt Thethit për të diskutuar me sipërmarrësit atje për një program të ri të mbështetjes për investime në këto male. Sipas Ramës, paketa e re do të kthejë në banesat e të parëve, shqiptarët që janë larguar për të fuqizuar më shumë ekonominë falë agroturizmit.

“Do të diskutojmë atje me ata të cilët kanë hapur dyert dhe e kanë kthyer Thethin në një destinacion europian turistik për programin e ri, paketën e re të mbështetjes për investimet në këto male e cila do u hapë rrugë të gjithë atyre të cilët i kanë lënë këto male në kërkim të një jete më të mirë dhe kanë punuar e punojnë pa pushim, e kanë kursyer dhe kursejnë që kursimet e tyre t’i investojnë në tokat e të parëve me një lehtësi të plotë pa pasur më ato hallet e pafundme të zinxhirit të pronave e pa pasur as nevojë të kalojnë në të gjithë atë procedurë që kërkon firmat e të gjithëve që janë të shpërndarë lart e poshtë, me një mbështetje të fuqishme qoftë në aspektin e dhënies së lejeve për të rihapur shtëpitë e të parëve, për të ndërtuar agroturizmat, për të fituar shumë më tepër seç fitojnë nga puna e lodhshme në shërbim të të tjerëve atje ku janë dhe njëkohësisht për t’i dhënë mundësi ekonomisë që të fuqizohet akoma më shumë falë turizmit e falë miliona e milionave turistëve që po mësyjnë në Shqipëri, edhe më shumë këtë vit se 10 milionët e vitit të shkuar që do të thotë, shumë më tepër të ardhura, shumë më tepër konsum, shumë më tepër punë për të gjithë zinxhirn e prodhimeve të vendit, e mbi të gjitha shumë më tepër krenari për Shqipërinë”, tha Rama.

Kryeministri paralajmëroi edhe një plan sekret e surprizë për shkodranët, të cilin tha se do ta zbulojë në një moment tjetër, por që do ta kthejë Shkodrën aty ku i takon.

“Kemi edhe një tjetër plan shumë ambicioz, por do ta mbajmë për një moment sekret dhe surprizë për shkodranët dhe Shkodrën loce që tani në krahët e Rilindjes do të fluturojë lart e më lart dhe do të kthehet në atë lartësi ku e kanë dashur e të cilës i kanë kënduar poetët e vet të jashtëzakonshëm”, tha Rama.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME
Categories Lajme

SPAK rëndon pozitën e ish-kryebashkiakut Jorgo Goro, sekuestrohen 4 ha tokë në Himarë

Rëndohen akuzat ndaj Jorgo Goros, tashmë në burg. Prokuroria e Posaçme kundër Korrupsionit dhe Krimit…

LEXO ME SHUME
Categories Lajme

Tentuan të trafikonin kokainë nga Amerika Latine, si ranë në pranga 3 shqiptarët në Itali

Një tjetër goditje e rëndësishme ndaj trafikut të drogës është kryer Guardia di Finanza e…

LEXO ME SHUME