Artisti i njohur Sabri Fejzullahu së fundmi ka performuar i vetëm në stadiumin bosh dedikuar të gjithë periudhës së vështirë të shkaktuar nga ‘Covid 19’ që ka përfshirë Kosovën, por dhe gjithë botën. Pas interpretimeve emocionuese, nuk kanë munguar dhe fjalët e djalit të tij, Ermalit i cili vendosi t’i tregojë publikisht vlerësimin dhe dashurinë e madhe për babain e tij “Jam shumë i bindur që ky stadium do të ishte plot e përplot sot, ashtu si është zemra jote. I shtrenjti im jemi me fat që të kemi, faleminderit që na mbushe shpirtin me dashuri, mirësi dhe shpresë, që së shpejti do të bëhet mirë. Të dua”, ka shkruar Ermali krah fotos së të atit në stadium duker performuar. Edhe vetë Sabriu pas performancave në stadium, ka treguar në llogarinë e tij se ka përjetuar emocione shumë të forta nga kjo dalje publike, pa gjithë njerëzit që e kanë mbështetur gjithë këto vite.