Japonia nuk ka ndërmend të tërhiqet nga Komisioni Ndërkombëtar i Gjuetisë së Balenave në mënyrë që të shfuqizojë ndalimet dhe kufizimet për gjueti komerciale të balenave.
Sekretari i kabinetit në qeverinë japoneze Yoshihide Suga njoftoi se vendi i tij do ta braktisë IWC në vitin 2019.
Suga sqaroi se vendimi është marrë për shkak të dallimeve në mendime që u vërejtën veçanërisht gjatë takimit të IWC të mbajtur në shtator.
Japonia do të dërgojë kërkesën më 1 janar, me çka zyrtarisht do të fillojë procesin e largimit nga IWC. Pas kësaj, Japonia nga 30 qershori do të lirohet nga të gjitha përgjegjësitë dhe kufizimet e imponuara nga anëtarësimi në organizatë.
Pas përfundimit të procesit të largimit nga IWC, Japonia do të lejojë gjueti komerciale të balenave në ujërat e saj territoriale dhe zonën ekonomike japoneze. Në zonën e Antarktikut, ajo do të lejojë aktivitete për qëllime shkencore.
