Java ka nisur me diell dhe temperatura të larta dhe pritet rritje e ndjeshme e temperaturave të mërkurën, sipas Meteoalb. Meteorologia, Lajda Porja, thotë për emisionin Ditë e Re, se moti do të jetë i kthjellët në pjesën më të madhe të vendit dhe se temperaturat maksimale pritet të shkojnë në 30°C.
“Moti është më stabël gjatë kësaj jave, krahasuar me javën e kaluar.
Moti do të jetë i kthjellët në pjesën më të madhe të vendit. Vranësira të pakta do të shfaqen, kryesisht në orët e pasdites, duke rrezikuar reshje të izoluara. Parashikohet që temperatura sot të jetë deri në vlerën 30 gradë.
Temperaturat më të ulëta pritet të shënohen në zonat malore dhe kryesisht në juglindje, ku minimalja, Korça shënon sot 9°C, Erseka 8°C në mëngjes dhe maksimalja jo më shumë se 25, 26°C.
Duke filluar nga e mërkura pritet rritje e ndjeshëm e temperaturave. Fundjava do të jetë e nxehtë, jo me temperatura tipike të qershorit, por temperatura akoma më të larta. Duke filluar që nga kjo fundjavë, ditë të nxehta na presin.”
