Ish-Presidenti i Shteteve të Bashkuara të Amerikës ka dalë nga vetja gjatë një interviste të dhënë për gazetarin Piers Morgan. Irritimi i ish-shefit të Shtëpisë së Bardhë erdhi teksa gazetari nisi ta pyeste për humbjen e zgjedhjeve të 2020-ës.
Një promo prej 30 sekondash e publikuar nga Morgan, tregon ish-presidentin duke e quajtur prezantuesin “të pandershëm” dhe “budalla”.
Gjatë intervistës, 75 vjeçari Trump, humb toruan kur Morgan i thotë se zgjedhjet e vitit 2020 ishin “të lira dhe të drejta” dhe se “ti humbe”.
Ish-presidenti përgjigjet: “Vetëm një budalla do ta mendonte këtë”.
Më pas Morgan e pyet Trumpin nëse mendon se është budalla, ai përgjigjet: “Po tani, po”.
Trump mendohet se po përgatit garën e tij të tretë për presidencën pas humbjes nga Joe Biden dy vjet më parë. Videoja, e cila premton “intervistën më shpërthyese të vitit”, përfundon me Trumpin që duket se largohet nga intervista me Morgan, duke i thënë ekipit të kamerës të “fikë kamerën”.
Intervista 75-minutëshe do të shfaqet të hënën në orën 20:00, ditën e fillimit të ndërmarrjes së re televizive të Murdoch.
Biseda nga videoja:
Trump: Unë mendoj se jam një njeri shumë i ndershëm … shumë më i sinqertë se ju, në fakt.
Gazetari: Vërtet?
Trump: Po
Morgan: Zgjedhjet ishin të lira dhe ti humbe?
Trump: Vetëm një budalla do ta mendonte këtë
Gazetari: Ti mendon se jam budalla?
Trump: Epo tani po.
Gazetari: Me respekt, ju nuk keni paraqitur provat e forta. Je shumë i pandershëm.
My sensational interview with President Trump, which he has now branded both ‘long and tedious’ (it was long but he wasn’t tedious…) AND ‘very strong’ airs on Monday on @PiersUncensored – you won’t want to miss this! pic.twitter.com/l5VUTYqB4w
— Piers Morgan (@piersmorgan) April 21, 2022
