– Ish-ministri i Jashtëm rus Andrei Kozyrev u ka bërë thirrje diplomatëve rusë të japin dorëheqjen në shenjë proteste për luftën në Ukrainë. Me anë të një postimi në Twitter, Kozyrev shkruan se është e pamundur që të mbështetet lufta e përgjakshme në Ukrainë.
“U bëj thirrje të gjithë diplomatëve rusë të japin dorëheqjen në shenjë proteste. Të dashur diplomatë rusë, ju jeni profesionistë dhe jo propagandues të lirë. Kur punoja në Ministrinë e Jashtme, isha krenar për kolegët e mi. Tani është thjesht e pamundur të mbështetet lufta e përgjakshme vëllavrasëse në Ukrainë.” shkroi ai në Twitter. Kozyrev ishte ministër i Jashtëm nga viti 1991 deri në 1996 nën Presidentin Boris Jelcin.
