Jetonte i vetëm, gjendet i pajetë në shtëpi 30-vjeçari në Yzberisht

Një ngjarje e rëndë është regjistruar ditën e djeshme në rrugën “3 Dëshmorët”, në Yzberisht, ku një djalë 30-vjeç është gjetur i pajetë në banesë. Mësohet se djali prej një muaji jetonte vetëm në shtëpi, ndërsa dyshohet se ishte dhe i sëmurë. Me herët ai jetonte me të atin, por ky i fundit ka humbur jetën rreth një muaj më parë, pasi kishte qenë sëmurë. Trupi i te riut u gjet diten e djeshme, pasi policia dhe zjarrfikësja shpërtheu derën e banesës së tij, në një pallat në zonë. Policia u njoftua nga banoret e pallatit, pasi kishte nisur të vinte një aromë e keqe në të gjithë pallatin. Trupi i tij dyshohet se ishte dekompozuar.