“Sot duhet të ngremë vetëm një flamur të përbashkët politik për të gjithë shqiptarët e të jemi bashkëpunëtorë për fitoren e jetës”.
Ky është mesazhi që, Alma Cani, shefja e reanimacionit në spitalin “Shefqet Ndroqi”, ka dhënë sot për qytetarët shqiptare.
Ajo i ka kërkuar qytetarëve të qëndrojnë në shtëpitë e tyre për të respektuar jetën, përgjatë periudhës së vështirë që ka krijuar koronavirusi.
Cani është shprehur se, reanimacioni më i mirë gjatë këtyre ditëve është optimizmi ndërsa shprehet se kjo situatë do të kalojë vetëm përmes bashkimit mes shtetit dhe popullit.
“Jo panik! Qëndroni në shtëpitë tuaja! Respektoni jetën tuaj dhe të tjerëve! Reanimacioni më i mirë është optimizmi juaj dhe respektimi i rregullave! Kjo furtunë do të kalojë akoma më shpejt falë unionit shtet e popull! Sot duhet të ngremë vetëm një flamur të përbashkët politik për të gjithë shqiptarët e të jemi bashkëpunëtorë për fitoren e jetës!”, ka theksuar Cani./gj.mima/
