Krahas masave për ndalimin e qarkullimit dhe mbylljen e të gjitha aktiviteteve tregtare, bashkia e Fierit po vijon dezinfektimin e territorit edhe në zonat rurale.
Procesi i dezinfektimit ka vijuar sot në Levan dhe Ferras, ndërsa po veprohet sipas një plani të organizuar për të mbuluar gjithë territorin.
Qytetarët e Fierit janë solidarizuar me zbatimin e masave drastike për evitimin e përhapjes së koronavirusit, duke qëndruar në shtëpi dhe evituar në maksimum qarkullimin, ndërsa prej ditës së djeshme është ndaluar qarkullimi i automjeteve.
