Ata u vra.në në mënyrë mak.abër nga babai i vajzës. Sot Drilon Musai, vëllai i Veton Musait që u v.ra bashkë me bashkëshorten e tij nga babai i kësaj të fundit natën e ndërrimit të viteve në Australi, ka bërë një postim prekës për tragjedinë që ndodhi.
Në “Facebook”, ai shprehet se Lindita Musai, bashkëshortja e vëllait, ishte një vajzë shumë e mirë dhe se ai e donte si motër. Sipas tij, agjë nuk do të jetë më si më parë pas kësaj humbjeje të madhe.
“Linditën dhe Vetonin i kishin të gjithë zili si çift. Ju ishit si një çift përrallash dhe kurrë nuk mendoj se mund të ketë të tjerë si ju. Lindita ishte e përsosur në çdo aspekt, brenda dhe jashtë. Unë humba një motër, prindërit e mi humbën një vajzë dhe bota humbi një engjëll.
Vetoni, vëllai im, shoku im më i mirë … Unë jam 30 vjeç, por prapë jam emocionuar kur ti vije në shtëpi nga puna sepse asnjëherë nuk isha i qetë pa ty përreth. Sinqerisht mund të them që ti më bëre të qesh çdo ditë që kemi kaluar së bashku për këto 29 vjet.
Pasioni juaj për jetën, familjen dhe miqtë ishte i pakrahasueshëm dhe infektiv, aq sa më nxitët të dilja nga zona ime e rehatisë për të provuar gjëra që nuk i kisha kurrë. Unë jam ky që jam sot prej teje. Familja nuk do të jetë më kurrë e njëjtë pa ju”, ka shkruar Drilon Musai.
