Nga Ergys Alushi:
Ju lumtë djemve të Armenit! Arben Breshani, Shpëtim Aliaj, Fatmir Hodaj, Ardi Kollozi, Vilson Haxhiraj e të tjerë djem, jashtë dhe brenda Vlorës e Shqipërisë. Janë organizuar për t’i dhënë Vlorës atë që i mungonte! Bustin e Osman Haxhiut! Bashkëfshatarit të tyre! Njeriut me emer e kontribut të madh në historinë e Vlorës! Udhëheqësi i Luftës Kombëtare për Çlirimin e Vlorës.
Busti i të cilit duhet të ishte vendosur prej kohësh në qytet!Aty, para bashkisë, në vendin ku ka qenë dikur xhamia e Tabakut, nga ku Osman Haxhiu udhëhoqi demostraten historike të 28 nëntorit 1919, e cila shërbeu si prolog i Luftës së Vlorës 1920. Aty është vendi i tij! Shtëpia e tij! Një iniciativë që duhet të mbeshtetet nga bashkia e Vlorës!
