Nga Ergys Alushi: Ju tregoj Llonxhën… Një shkrim – realitet i shkruar me zemerim nga Roland Dine. Zemërim të cilit i bashkohem pa i hequr asnjë presje.
Për lagjen më të vjetër të Vlorës, për lagjen e femijerise, për njerezit qe i kane dhene aq shume historise me vepra dhe personalitete të shquara në të gjitha fushat e jetës në Vlorë. Llonxha – getoja në Vlorën turistike. E dhimbshme, e padrejte, racizëm… Po, po, Racizëm, me plot gojën, sepse nuk shpjegohet ndryshe. Duhet të na vijë turp si vlonjat me Llonxhen tonë.
Nga Roland Dine
Ju tregoj Llonxhen…ashtu sic e kam bere edhe here tjeter, me dhimbje ne zemer e revolte ne shpirt. Ju tregoj Llonxhen…Llonxhen e dhimbjes, te vuajtjes, harreses, perbuzjes. Ju tregoj Llonxhen e periferise, kopjen me te keqe te shkelqimit te dikurshem. Ju tregoj Llonxhen e duruar, por qe zien ne zemeraten e vet.Te moshuar qe nuk gjejne qetesi, prinder qe rropaten per te nxjerre buken e gojes, femije endrravrare qe nuk mbushin dot barkun me buke.
Nuk mjaftojne te gjitha keto, por duhet te jete dhe pa uje e aq me teper ne kete vape perveluese. Kjo sage vazhdon prej vitesh… Askush nuk merr pergjegjesi e askush nuk mban pergjegjesi. Drejtoria e ujesjellesit eshte shnderruar ne drejtori te ujembajtesit.
Bashkia nga institucion eshte shnderruar thjesht ne nje ndertese, duke humbur madje dhe bukurine e dikurshme. Eunuket e ujesjellesit shkojne me fatura ne dore per te vjele taksat e tarifat e nje sherbimi qe nuk egziston, madje me premtime tallese se jane duke punuar mbi nje projekt te ri . Skllever te pages se tyre qe , besojne cdo gje qe u thone shefat e tyre. Keta u besojne shefave te tjere… Nuk e kuptojne keta mjerane qe jane thjesht ” llonxhare” te tjere me pak me shume buke e uje.
Llonxha dhe Llonxhat jane kritika me e forte ndaj nje shoqerie te dale mendsh, qe triumfin me te madh te vet do te kete pendesen! Llonxha nuk kerkon meshire, kerkon drejtesi! Te gjithe keta kusare dhe uzurpatore qe kane ne dore per te cuar ujin, nuk do te gjejne uje per te lare duart prej mekatit te tyre dhe pesha e pushtetit do t’ju duket e rende sa bota! Me zemerim Roland Dine Sekretar i K.I