“Do luftojmë deri në fund, që fëmijët e vajzës të rriten pa vuajtje e dhimbje si Brisilda”. Ky ishte premtimi i madh i prindërve të divorcuar të të ndjerës 23-vjeçare, Brisilda, që humbi tragjikisht jetën në Spitalin e Vlorës, ndërsa ngjarja vijon te jetë e veshur me mister.
Në emisionin “Me zemër të hapur” të gazetares Evis Ahmeti, në News24, prindërit e divorcuar të të ndjerës vendosën të bashkohen për hir të nipërve të tyre të mitur, që la pas 23-vjeçarja, raporton “BalkanWeb”.
Pjesë nga diskutimet në studio:
Nëna e të ndjerës: Nuk i kam kërkuar kurrë as edhe 1 mijë lekë dhëndrin borxh, jo më 16 mijë euro. Për çfarë i doja unë ato euro, unë haja bukë e vaj e kripë, jo të merrja lekët e vajzës sime. Çfarë janë këto 16 mijë euro, absolutisht nuk është e vërtetë.
Babai: Duhet të kishim gjetur gjuhën e përbashkët për fëmijët. Faji është i të dyve, nuk mund të fajësoj atë, sepse dhe ajo fëmijë i ka, si i dhimbset asaj, më dhimbsen dhe mua. E di ky shpirt si i kam rritur ata fëmijë, jam kthyer në argat për ta. Ngrija jonxh në 12 e 1 të natës.
Nëna: Edhe unë kam kërkuar të bëhemi bashkë. Jeta ime është shuar, që kur pushoi zemra e Brisildës, unë nuk kam më jetë, vetëm po më ndihmuat për ata fëmijë, që vajza i ka lënë amanet. Unë kam dëshirë të bashkohemi, se këtu nuk jemi për të hedhur baltë mbi asnjërin prej nesh. Nuk më intereson jeta ime më, se çfarë kam kaluar.
Babai: Unë nuk i dal kundër ish-bashkëshortes sime. Unë kam kërkuar që të marrim të dy bashkë kujdestarinë e fëmijëve të Brisildës.
Nëna: Kam një jetë që kërkoj të hedhë një llamarinë mbi shtëpi por unë jam e varfër dhe nuk mundem ti degjoj më këto që thuhen, kam qënë present kur vajza ime është dhunuar ja kam gjetur kokën të enjtur pas dhunimit të atij. Sot dua ta kap ish burrin pë dore dhe djalin që të kërkojmë të drejtën e fëmijës asaj vajze që më iku nga jeta. (BalkanWeb)
