Justin Bieber dhe Hailey Baldwin do mbajnë festën e tyre të dasmës në muajin kur edhe i dhanë fund beqarisë. Çifti i famshëm ka vendosur të mbajë dasmën në shtator dhe raportohet se janë shumë të lumtur e të emocionuar.
Modelja dhe këngëtari u martuan në fshehtësi në një gjykatë në New York më 13 shtator të vitit të kaluar.
Ata menduan disa herë të zhvillonin një dasmë por e shtynë për shkak të problemeve të Justin me shëndetin mendor. Por duket se tani gjithçka është në rregull dhe në maj çifti mori vendimin për të zhvilluar dasmën.
Ndërkohë thuhet se Hailey po merret me organizimin.
Mediat raportojnë se ylli i popit dhe 22-vjeçarja dëshirojnë të mbajnë një ceremoni fetare dhe një festë me familjen e miqtë.
