Juventus është një hap nga blerja e Layvin Kurzawa, që do të mbërrijë nga Psg në një shkëmbim, me shumë plusvalencë, me De Sciglio. Kthesën vendimtare të tratativës e ka dhënë direkt tekniku i francezëve Tuchel. Gjermani i Psg nuk e ka grumbulluar Kurzawa për ndeshjen e kampionatit kundër Lille: “Situata nuk është e qartë. Kam dhënë aprovimin tim për shkëmbimin me De Sciglio e cështja është e hapur. Për këtë arsye nuk e kam grumbulluar”.
Për zyrtarizimin duhet pritur ende ndonjë ditë, por zgjedhja e Tuchel – e në këtë rast edhe e shoqërisë – për të bërë pa të në transfertën e Lillem është e qartë: Kurzawa mund të transferohet tek Juventus në shkëmbimin me De Sciglio. Vlerësimi për të dy është tek 25 milionë euro që, nëse konfirmohen, do të thotë plusvalencë e rëndësishme për bardhezinjtë. Situatë e ngjashme edhe për Edinson Cavani, një tjetër lojtar që ka kërkuar hapur shitjen në javët e ardhshme: “Vlen i njëjti diskutim – ka konfirmuar Tuchel -, është stërvitur por ka gjëra që duhen saktësuar. Nuk është gjë e vogël, duhet zgjidhur”. Matador kërkon të transferohet tek Atletico Madrid, sidomos pas ardhjes nën Kullën Eiffel të Mauro Icardi.
