Një 70-vjeçar nga Kina ka humbur të dyja këmbët për shkak të një sëmundje të rëndë.
Megjithatë kjo nuk e ka penguar që të jetë i dobishëm për komunitetin.
Ma Sanxiao ka mbjellë 17 mijë pemë në 19 vitet e fundit .
Aktivitetin e tij ai e ka nisur në vitin 2000, për të siguruar para për të mbajtur familjen, ndërsa tani i është kthyer në hobi.
I moshuari jeton në fshatin Mayu në provincën kineze Hebei.
Sipas mediave vendase Sanxiao është një ish-ushtarak, i cili del nga shtëpia në orën 5 të mëngjesit, për të mbjellë pemë.
Ai merr me vete ushqim, ndërsa përdor triçikël për të shkuar deri në vendin e punës. Qeveria kineze në vitin 2008 i ka dhënë të moshuarit asistencë sociale.
