Baret dhe restorantet ishin ndër më të goditurat prej krizës së koronavirusit, por duket se idetë dhe dëshira për të ecur përpara edhe pa madhësi, nuk mungojnë. Rene Rexhepi, pronari i “Nomas” ne Kopenhagen, i shpallur përpara disa vitesh restoranti më i mirë në botë, nuk e ka pasur problem të imagjinojë një të ardhme tjetër për biznesin e tij, qoftë edhe të përkohshme.
Ai do t’i hapë dyert e lokalit të vet, por në një formë ndryshe: klientëve nuk do tu shërbehet më ushqimi i rafinuar që e bëri të famshëm, por thjesht hamburger! Rexhepi do ta rinisë pikërisht nga aty. “Për momentin, në sajë të lehtësimit të masave për të frenuar urgjencën shëndetësore në Danimarkë, ne mezi po presim të kontaktojmë me komunitetin tonë dhe ta festojmë verën në mënyrën më të mirë (dhe më të sigurt) të mundshme”, shpjegon kuzhinieri i famshëm.
Në menu ka vetëm dy lloje hamburgerësh: cheesburgeri klasik me mish mishi dhe një opsion vegjetarian. Të dy të shoqëruar me patate e perime bio, dhe sipas preferencës me birrë ose verë. “Për ta hapur Nomën ashtu sic ne e njohim, do të na duhet pak më tepër kohë. Duhet ca që makineria të vihet në lëvizje”, u shpreh Rene, duke treguar se ndërkohë, përse jo, mund edhe të nxirren fitime me shitjen e hamburgerëve të thjeshtë.
