Angelos Haritos, konsulli grek në Venezuelë është gjetur i vdekur në dhomën e hotelit ku banonte në kryeqytetin Karakas.
Mediat venezueliane dhe greke shkruajnë se vdekja mund të ketë ardhur si pasojë e problemeve shëndetësore, por po hetohet edhe në pistën se ndaj tij mund të jetë kryer një akt kriminal.
Policia mori në pyetje dy femrat që kishin shoqëruar konsullin 55- vjeçar mbrëmjen e djeshme. Ato treguan se 55 vjeçari kishte konsumuar alkool dhe më pas u ankua se kishte dhimbje në kraharor.
Shqetësimet vazhduan deri sa ai më pas humbi vetëdijen dhe u gjet pa shenja jeta. Konsulli po qëndronte në hotel “Altamira Suites”, në Karakas të Venezuelës.
Kur shoqërueset e 55 vjeçarit panë se ai nuk po zgjohej, thirrën menjëherë rojet e sigurisë dhe ndihmën e shpejtë, po ndërhyrja për ta sjellë në jetë ka qenë e kot.
