Një aksident automobilistik ka ndodhur para pak minutash ne aksin Tepelenë-Mallakastër, pranë fshatit Krahës. Mësohet se pesë persona janë lënduar rëndë mes të cilëve edhe një fëmijë 9 vjeçar.
Automjeti tip “Toyota” me targa greke po shkonte në drejtimin verior drejt Tiranës, ndërkohe që i është prerë rruga nga një kamionçinë që vinte nga një rruge sekondare të fshatit.
Për rrjedhojë përplasja ka qenë e fortë pasi kamionçina sipas informacioneve nga grupi hetimor që ka mberritur në vendngjarje, ka hyrë në rrugën kryesore pa sinjal. Ky veprim shkaktoi lëndimin e të gjithe personave që gjendeshin në bordin e autoveturës që vinte nga Greqia.
Sipas informacioneve nga vendngjarja, ne autoveturë udhëtonte çifti i bashkëshorteve nga Fieri se bashku me fëmijën e tyre, si dhe gjyshi dhe tezja e fëmijes. Të pestë të lënduarit janë shtruar me urgjencë ne Spitalin Rajonal të Gjirokastres ndërkohë që një prej të lënduarve, bashkëshortja e drejtuesit të mjetit, është shtruar në Reanimacion me plagë të rënda.
