/ATSH/ Kanadaja jep kontribut financiar prej 135 000 dollarësh për të mbështetur Shqipërinë pas tërmetit të 26 nëntorit.
Diaspora shqiptaro-kanadeze i ka shprehur mirënjohjen e thellë qeverisë kanadeze, dhe David Lametti për ngritjen e çështjes në departamentin kanadez të Punëve të Jashtme, për kontributin e tyre financiar prej 135 000 dollarësh për të mbështetur përpjekjet e ndihmës në Shqipëri pas tërmetit shkatërrues, që mori shumë jetë dhe la të tjerë të pastrehë.
“Qeveria kanadeze do të monitorojë situatën në Shqipëri përmes Kryqit të Kuq Kanadez, i cili është institucioni përgjegjës për të mbledhur dhurime në të ardhmen dhe të ndihmojë më tej nëse është e nevojshme”, thuhet në deklaratën e diasporës shqiptaro-kanadeze.
“Një falënderim i përzemërt për popullin e madh të Kanadasë që qëndruat pranë nesh në ato ditë zie!”, thekson diaspora shqiptaro-kanadeze.
