Categories Lajme

“Kanë frikë nga Greqia”, PDIU hap fushatën në varrezat e Kllogjerit, Idrizi: Askush në Parlamentin e Shqipërisë nuk e përmend Çamërinë

Partia Drejtësi Integrim dhe Unitet e ka hapur fushatën elektorale për zgjedhjet lokale të 14 majit në varrezat e Kllogjerit në Sarandë për të kujtuar çështjen çame.

Kryetari i PDIU, Shpëtim Idrizi, tha se politika shqiptare ka frikë nga Greqia dhe është e nënshtruar ndaj një fqinji që nuk e kupton se jemi në shekullin që të drejtat e njeriut nuk mund të nëpërkëmben.

Ai theksoi se në Parlamentin e Shqipërisë askush nuk e përmend Çamërinë dhe çështjen çame, për shkak të frikës nga Greqia.

“Nisim sot një rrugëtim nga varrezat monumentale të Kllogjerit. Nuk ishte e lehtë për ne që ta nisnim në këtë vend këtë fushatë politike. Por ne kështu tejkalojmë çdo keqdashje apo bestytni. Në fakt ky memorial dhe piedestal duhet të ishte ngritur nga çdo parti politike, nga çdo qeveri e për çdo trevë të Shqipërisë. Sot kam vetëm një vjalë për të gjithë ata keqdashës që pyesin se çfarë kemi bërë ne për çështjen çame. Ju them ja ku e keni, atë që duhet ta kishte bërë çdo qeveri, u themi se këtë e kemi bërë ne. Për mua nuk ka krenari më të madhe sesa t’i shohim të rinjtë tanë që bërtasin fortë për origjinën e tyre fisnike. Po ju ça keni bërë për Çamërinë?”, tha Idrizi.

Ai e krahasoi Çamërinë me Mitin e Sizifit që tha se do ta çojë në majën e malit.

“PDIU-së që doli e vetme, i kërkojnë llogari të majtë e të djathtë, se ku jeni. I drejtohem të gjithë atyre që PDIU i bëri drejtora, zv.ministra, sheaf, etj. Ku ishit deri dje, a ju njihte njeri? Ja keni borxh çamërisë. Të kujtohen njëherë që t’ja zënë në gojë emrin e Çamërisë.

Çamëria është si Miti i Sizifit që kam vendosur ta çoj në majën e malit. Sot ky gur i rëndë ka me mijëra duar që e mbartin. Keni gojë të na zini ne me gojë, ne e kemi zanafillën për ta kthyer Çamërinë në një çështje kombëtare.

Ajo që kam parë me neveri nga politika e ditës, është frika dhe nënshtrimi ndaj një fqinji që nuk pranon që ky është shekulli ku të drejtat e njeriut janë të shenjta e nuk mund të nëpërkëmben.

Nuk e kam kuptuar kurrë sesi në atë sallë të Parlamentit, kolegët e mi propozojnë lloj lloj rezolutash, për krimet në Bosje, deri në Kamboxhia, por nuk thonë asnjë fjalë për çështjen çame dhe të kujtojnë ata që u sakrifikuan që të mbetej kjo shqipëri që është sot.

Sot vijmë si një forcë politike seroze. Sot trëndafilat e Çamërisë janë këtu me ne. Sot kërkojmë bekimin e të parëve, martirëve të atdheut që të vijojmë të punojmë për kombin”, deklaroi Idrizi.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Bulqizë/ Aksidentohet 19-vjeçari, transportohet menjëherë në spital

Është aksidentuar një 19-vjeçar ditën e sotme në Bulqizë. Aksidenti ka ndodhur rreth ores 14:15…

LEXO ME SHUME
Categories Lajme

Arrestohet pronari i lokalit në Lushnjë, Ushtrohej veprimtaria e basteve sportive

Policia e Lushnjës ka goditur ditën e sotme një rast të ushtrimit të basteve sportive…

LEXO ME SHUME
Categories Lajme

Kërkohej në Sarandë për trafik droge/ Kapet në Selanik 32-vjeçari

Policia greke ka arritur të kapë në Dhiavata të Selanlikut të kërkuarin të Interpol, Adritak…

LEXO ME SHUME
Categories Lajme

“Blindohen” rrugët e Vlorës, policia kontrolle të shumta pas arrestimit të anëtarit të bandës së “Gaxhait”

Forcat e Ndërhyrjes së Shpejtë (FNSH) dhe policia kanë ngritur postoblloqe të shumta në rrugët…

LEXO ME SHUME
Categories Lajme

Tiranë/ Kamioni përmbyset në rrugë, merr para disa automjete, lëndohet shoferi

Një automjet tip kamion është përmbysur në rrugën ““Ramazan Gaxherri”” në kryeqytet dhe për pasojë…

LEXO ME SHUME