Tre persona janë arrestuar dje në Prishtinë pasi janë kapur me drogë, bën të ditur Policia e Kosovës përmes një komunikate për media.
“Është raportuar se tre të dyshuarit meshkuj Shqiptarë, janë kapur duke shkëmbyer mes tyre një sasi substancë narkotike të llojit marihuanë me peshë 78.2 gramë. Ndërsa janë kontrolluar tre shtëpitë e të dyshuarve, ku në njërën prej tyre është gjetur një sasi substancë e dyshuar narkotike e llojit marihuanë me peshë 3 kg 571.5 gramë”, thotë PK.
Të dyshuarit janë arrestuar dhe pas intervistimit dhe me vendim të prokurorit janë dërguar në mbajtje.
