Një 42-vjeçar italian u prangos në Grottaglie, Taranto, pasi ishte shpallur në kërkim nga drejtësia shqiptare.
Mësohet se ai është arrestuar falë bashkëpunimit me Interpolin, ndërsa ishte shpallur një urdhër-arresti ndërkombëtar.
Italiani 42-vjeçar ishte dënuar në Shqipëri pasi akuzohet se kishte ngritur një shoqëri me dokumente false dhe kishte mashtruar një shoqëri transporti shqiptare, në shumën prej 13 mijë eurosh.
Pas arrestimit ai është dërguar në qeli, ndërsa pritet vendimi i gjykatës për ta ekstraduar apo jo drejt Shqipërisë.
