Policia italiane në rajonit e Campanias ka sekuestruar 500 kg drogë të tipit kokainë, e cilësisë mjaft e pastër.
Kokaina u gjet gjatë një kontrolli në një kapanon në periferi të komunës Giuliano.
Lënda narkotike ishte fshehur në 20 kuti që zakonisht përdoren për transportin e frutave.
Sipas policisë italiane kokaina e cilësisë mjaft të pastër, do të sillte për grupet kriminale një përfitim rreth 50 milionë euro.
Mediat italiane raportojnë se deri tani nuk ka asnjë të arrestuar në lidhje me sasinë e madhe të kokainës që është gjetur. Trupat policore po kryejnë hetime e kontrolle në komunën ku u gjet droga dhe në qytezat përreth. Hetimet po kryhen nga Prokuroria e Napolit.
