Vazhdon për të 11 ditë zjarri në Karaburun. Aktualisht mësohet se janë aktive 3 vatra, ndërsa më problematike mbetet ajo në lartësinë e gadishullit në kufi me parkun e Llogarasë.
Ekipet e zjarrfikëseve dhe efektivët e ushtrisë po vazhdojnë punën nga toka për të bërë të mundur izolimin e plotë të këtyre vatrave dhe shmangien përfundimtare të rrezikut për djegien e parkut të Llogarasë.
Ndërkohë që zjarret në zonën e Gjormit dhe Gumenicës në Lumin e Vlorës janë fikur, ndërsa autoritetet po bëjnë bilancin e dëmeve të shkaktuara. Emergjencat Civile bëjnë të ditur se edhe në qarkun e Shkodrës janë neutralizuar të gjitha vatrat e zjarrit të cilat nuk paraqesin më r rezikshmëri.
