Në tregun e këmbimit valutor vendas këtë fillimjave monedhat e huaja paraqiten të stabilizuara në raport me lekun. Sipas kursit zyrtar të Bankës së Shqipërisë, valutat kryesore euroja dhe dollari amerikan janë luhatur lehtë në raport me lekun.
Kështu dollari amerikan këmbehet sot me 111,81 lekë ose 0,05 lekë më shumë, se në fundjavë. Ndërsa monedha europiane u zhvlerësua lehtë me 0,08 lekë dhe këmbehet në kuotën e 124,25 lekëve. Paundi britanik ka forcuar pozitat të hënën me 0,95 lekë duke rikuperuar zhvlerësimin në fund javë me 0.85 lekë dhe këmbehet sot me 138,50 lekë. Luhatje të lehtë paraqet edhe franga zvicerane që këmbehet me 116,38 lekë ose 0,06 lekë më shumë se në fundjavë.
