Në tregun e këmbimit valutor vendas, të enjten monedhat e huaja forcuan pozitat në këmbim me lekun, krahasuar me një ditë më parë. Sipas kursit zyrtar të Bankës së Shqipërisë, dollari amerikan këmbehet me 101.12 lekë ose 0.64 lekë më shumë se ditën e mërkurë. Ndërsa euroja i forcoi lehtë pozitat në raport me monedhën vendase, duke u ngjitur me 0.04 lekë në kuotën e 123.80 lekëve. Paundi britanik këmbehet me 137.27 lekë, ose 0.03 lekë më shumë dhe franga zvicerane u zhvlerësua në raport me lekun me 0.26 lekë. Monedha zvicerane këmbehet sot me 114.43 lekë. Sipas ekspertëve luhatjet janë të pritshme pasi diktohen nga faktorët sezonal, ku çdo fillim viti valutat riforcojnë pozitat në raport me lekun, pas zhvlerësimit që kanë pësuar në fund të vitit për shkak të rritjes së remitancave nga emigrantët dhe shpenzimeve që bëjnë konsumatorët për këto festa. /a.a/r.e/
| Monedha kryesore | Lekë për njësi të monedhës së huaj | |||
|---|---|---|---|---|
| Dollar amerikan | USD | 101.12 | +0.64 | |
| Euro | EUR | 123.80 | +0.04 | |
| Poundi Britanik | GBP | 137.27 | +0.03 | |
| Franga Zvicerane | CHF | 114.43 | -0.26 | |
| Jeni Japonez (100) | JPY | 97.57 | -0.15 | |
| Dollari Australian | AUD | 78.27 | -0.19 | |
| Dollari Kanadez | CAD | 79.50 | +0.01 | |
| Korona Suedeze | SEK | 12.30 | -0.03 | |
| Korona Norvegjeze | NOK | 11.96 | +0.01 | |
| Korona Daneze | DKK | 16.66 | -0.01 | |
| SDR | SDR | 146.69 | +1.20 | |
| Ari(OZ 1) | XAU | 193341.43 | -3,086.92 | |
| Argjend(OZ 1) | XAG | 2729.41 | -56.60 | |
| Juani Kinez (onshore) | CNY | 15.64 | +0.07 | |
| Juani Kinez (offshore) | CNH | 15.66 | +0.05 | |
| Lira Turke | TRY | 13.92 | +0.20 | |
