Faqja në ‘Instagram‘, ‘What they wearin‘ vazhdimisht publikon fotografi duke treguar shifrat e parave të veshjeve të famshmëve të skenës shqiptare. Së fundmi, ‘pres’ e faqes ka rënë këngëtarja Leonora Jakupi, e cila shihet e veshur me një kostum të markës ‘Versace‘ ku vetëm palltoja ka një çmim jo edhe aq të lirë. Palltoja që Leonora ka zgjedhur ta vesh bashkë me pantollanat ka çmimin 3,850 euro, kurse rripi 490 euro. Pra këngëtarja ka shpenzuar gjithsej 4,340 euro për këtë veshje. Ndërkohë ditën e djeshme, ishte Anxhelina Hadërgjonaj që u komentua për vlerën marramendëse të çantës së saj të lëkurës.
