Moderatorja Liesa Haxhiasllani ka publikuar videon e saj të parë në Youtube, ku flet për 10 fakte që nuk i dinim për të. Liesa tregoi se ka lindur në Greqi dhe në moshën 18-vjeçare ka ardhur në Shqipëri, për të vazhduar studimet e larta. Prezantuesja foli edhe për eksperiencën e saj në “Top Select”, por edhe për jetën private. Ajo tregoi ndër të tjera se i pëlqejnë shumë tatuazhet, por i ati nuk e ka lejuar që t’i bëjë. Ja se çfarë ka ndodhur mes tyre: “Unë kam shumë qejf tatuazhet dhe piercing, edhe pse nuk kam realizuar shumë të tilla. Madje tatuazhin e parë e kam bërë pikërisht këtë vit, sepse doja shumë ta kisha, por babi nuk më lejonte.
Babi më thoshte gjithmonë: ‘Nëse ti bën një tatuazh, unë do ta heq me qumësht fiku’. Mendoja se do ishte ndonjë torturë kjo. Por unë e realizova tatuazhin, nuk ia thashë menjëherë babit. Kur shkova në Greqi i tregova: ‘Ba kam bërë një tatuazh’. Nuk ma zgjati për momentin, se kujtoi se po tallesha. Kur i thashë prapë, më pyeti ku e ke bërë. Në këmbë i thashë. Në atë moment u çua dhe shkoi në kuzhinë duke kërkuar një thikë…”, tregoi Liesa.
