Një 70-vjeçar gjerman kërkon 10 shoqërues, burra dhe gra, për të ndarë me të jetën në tokën e blerë në Zelandën e Re me një vlerë prej 3.5 milionë eurosh.
Karl Reipen i cili e ka ndërtuar pasurinë e tij duke shitur kafe të ngrirë, pritet të dalë në pension pas pak muajsh. Milioneri ka publikuar një lajmërim në një të përditshme lokale me titullin: “Kërkohen shoqërues për të jetuar në parajsë”.
I moshuari thekson se të ftuarit do të qëndrojnë në shtëpi të ndara prej 2 personash dhe se të gjitha shpenzimet do të paguhen nga ai. Ata nuk duhet të bëjnë asgjë përveç se të kalojnë kohën e lirë duke shëtitur, bërë blerje, peshkuar e notuar. Sa i përket kritereve që personat duhet të kenë: njerëzit duhet të jenë të denjë, të duan një jetë të rezervuar dhe të tërhequr dhe të jenë më pak se 70 vjeç.
