Si ta mbani frymën nën ujë? Noti mund të jetë zbavitës në qoftë se dini si të mbani frymën nën ujë. Mund të duket e lehtë por ka disa mënyra që ju mësojnë se si ta mbani frymën gjatë notit, raporton “Bright Side”.
Së pari duhet kontrolluar gjendjen tuaj jashtë ujit se sa e mbani frymën. Në fillim merrni frymë normalisht për dy minuta dhe më pas merrni frymë thellë dhe lëshojeni. Shikoni kohën se sa sekonda apo minuta mund të qëndroni pa frymë.
Nëse jeni në gjendje të mbani frymën një minutë apo më pakë, gjatë praktikës do të mund të mbani frymën për tre minuta. Nëse do të mund të mbani frymën për një minutë e gjysmë, pas praktikës do të jeni në gjendje të mbani frymën katër minuta. Po të mbani frymën për dy minuta apo më shumë, pas praktikës do të mbani frymën pesë minuta. Sa më shumë që praktikoheni, aq më shumë do të mund të mbani frymën në të ardhmen. Pjesa më e rëndësishme e të mbajturit frymën gjatë nën ujë është relaksimi.
Është e rëndësishme të relaksoni trupin, mendjen dhe muskujt. Duhet të qëndroni të qetë, pa stres dhe jo nervoz, vetëm kjo ju ndihmon që të arrini rezultate të larta.Para se të filloni notin është e nevojshme ti ngrohni mushkëritë me frymëmarrje, transmeton lajmi.net.
Qëndroni në pozitë relaksuese, merrni frymë si zakonisht dhe më pas mbajeni frymën deri sa të ndiheni jo rehat, më pas lëshojeni frymën dhe filloni frymëmarrje normale për dy minuta, përsëriten tre herë. Sigurohuni që të mos hani dy apo tre orë para notit. Nëse notoni mbi ujë kontrollimi i frymëmarrjes është më i lehtë, për dallim nga ata që preferojnë të notojnë më poshtë ujit gjë që u vështirëson mbajtjen e frymës.
