Kili po përballet me një situatë të vështirë ditët e fundit. Zjarre masive kanë përfshirë rajone të ndryshme të vendit. Sipas BBC, deri tani janë shkatërruar të paktën 120 shtëpi dhe janë zhvendosur me mijëra banorë. Kryesisht, vatra më e rrezikshme e zjarrit është në qytetin Valparaiso.
Të gjitha zjarrfikësit e qytetit janë angazhuar për të luftuar me flakët në zonat Rocuant dhe San Roque. Autoritetet e ndërprenë rrymën për 90 mijë konsumatorë si masë parandaluese për shkak të rrezikut nga përhapja e zjarreve përmes rrjetit elektrik. Kryetari i këtij qyteit, Jorge Sharp, tha për një televizion se zjarret janë shkaktuar qëllimisht, ndërsa policia nuk ka raportuar ende për ndonjë viktimë.
Ai shtoi se erërat e fuqishme dhe temperaturat e larta po e përkeqësojnë gjendjen e zjarreve. Valparaiso është njëri prej qyteteve më të mëdha të Kilit dhe port i rëndësishëm në bregdetin e Oqeanit Paqësor. Nga këto zjarre deri më tash janë djegur rreth 120 hektarë kullosa. Qyteti i shtrirë në pjesën qendrore të Kilit është vend i popullarizuar edhe për turistët.
