Vijon të rritet numri i viktimave nga koronavirusi, që ka prekur Kinën dhe po kthehet në një alarm botëror.
CNN raporton sot se ka shkuar në 106 numri i të vdekurve, ndërsa mbi 4500 persona janë infektuar në Kinë.
Ndërkohë, CNN shton se autoritetet amerikane po paralajmërojnë qytetarët e saj që të mos udhëtojnë në Kinë nëse patjetër nuk u duhet ta bëjnë një gjë të tillë.
Siç raporton Reuters, autoritetet kineze kanë konfirmuar se virusi i shumëpërfolur, tashmë ia ka marrë jetën një pacienti në Pekin, transmeton Telegrafi.
Autoritetet në Hubei, që konsiderohet si “foleja” e virusit vdekjeprurës, kanë bërë të ditur se 1,300 persona tjerë janë infektuar ku ky numër në total është rritur në mbi 4,500 në këtë provincë.
