Do të jetë kjo klimë e çmendur, më shumë se konfliktet, ato që do të shumëfishojë emergjencat humanitare. Është ky alarmi i lëshuar nga Kryqi i Kuq.
Francesco Rocca, Presidenti i Federatës Ndërkombëtare, në raportin e tij me titullin elokuent “Kostua e të bërit asgjë”, thotë se në vitin 2050, 200 milion njerëz do të kenë nevojë për ndihmë humanitare.
Uragani Dorian, që gjunjëzoi ishujt Bahamas, shkatërroi 13,000 shtëpi, vrau 54 vetë dhe zhduku 1.500 të tjerë.
Në fund të gushtit 2017 uragani Harvey shkatërroi Teksasin.
Në pranverën e po atij viti, përmbytjet në Peru prekën më shumë se 1.2 milion njerëz, duke lënë 107 të vdekur.
Këto katastrofa natyrore kanë një të përbashkët: në të gjitha rastet, studimet shkencore i kanë lidhur ato drejtpërdrejt me ndryshimet e vazhdueshme klimatike. Kostoja humanitare dhe në vitet e ardhshme ka të ngjarë të rritet.
Ndërkohë qeveria gjermane ka aprovuar një ligj i cili synin zvogëlimin e emetimi të CO2 me 55% brenda vitit 2030, për realizimin e të cilit do të harxhohen 100 miliardë euro, gjysma e të cilave tashmë është akorduar, kurse pjesa tjetër do të derivojë nga rritja e taksës së çlirimit të karbonit.
Paketa ligjore përfshin edhe masa mbështetëse të tilla si stimulimi i atyre që përdorin makina elektrike, ulje e çmimit të biletave të transportit urban, rritje e normës së kompensimit për udhëtarët dhe uljen e çmimit të biletave të transportit hekurudhor.
Paketa ligjore në mbështetje të klimës nga ana e qeverisë gjermane vjen e aprovuar në ditën e parë të javës së protestave mbarë botërore që aktivistët ambjentalistë po organizojnë në të pestë kontinentet.
