Ministri në detyrë për Europën dhe Punët e Jashtme, Gent Cakaj, bëri me dije sot se partitë politike shqiptare të Luginës së Preshevës mbrëmë kanë mbyllur ujdinë e brendshme për ndarjen e përgjegjësive brenda koalicionit të Luginës së Bashkuar.
Sipas Cakajt, ky është një hap në drejtimin e duhur për forcimin e faktorit shqiptar në Luginën e Preshevës. “Bashkimi i tyre është parakusht për mbrojtjen e lartësimin e interesave të tyre kombëtare! Ne, ndërkaq, nuk do të kursejmë asnjë përpjekje për ta mbështetur koalicionin e Luginës së Bashkuar”, theksoi Cakaj në reagimin e tij.
