Prej disa ditën numri i rasteve të reja me koronavirus në vendin tonë vijon të jetë i lartë. Gjatë 24 orëve të fundit sipas ministrisë nga 830 testime janë konfirmuar pozitiv me Covid 147 raste të reja dhe dy persona kanë humbur jetën. Ndërkohë nga fillimi i pandemisë numri i personave të infektuar me Covid në vendin tonë ka shkuar në 10553 mes të cilëve 321 persona kanë humbur jetën.
Ndërkohë gjatë 24 orëve të fundit betejën me këtë sëmundje e kanë fituar 53 qytetarë. Sa i përket situatës në spitalet COVID bëhet e ditur se në të dy spitalet janë të shtruar 199 pacientë, një numër ky relativisht i larë me ditët e mëparshme. Aktualisht në terapi intensive janë 19 pacientë, pesë prej tyre të intubuar.
