Mbrëmjen e djeshme në shtëpinë e “Big Brother VIP” kanë hyrë plot pesë banorë të rinj, koreografi Tan Brama, Elton Merja, balerin dhe koreograf, këngëtarja e njohur Xheisara, tenisti dhe ekonomisti Arbër Sulstarova, si dhe Egzona Rafuna moderatorja nga Kosova.
Kjo e fundit u përfol gjatë në media për raportin e krijuar me Dj Dagz, sipas shkrimeve të publikuara nëpër rrjete sociale supozohet se moderatorja është ish e dashura e Arbër Gumnishtës (DJ Dagz-it).
Ky supozim erdhi si pasojë e një deklaratë të bërë nga ish-banorja e “Big Brother” Florentina Halili ku është shprehur duke thënë: “Se mos i fusni DJ Dagzit atë ishin e vet se gazetare ka qenë nga Kosova”.
Vetëm nga kjo fjali lajmi më pas është bërë viral në të gjitha rrjetet sociale, nga ku është parë edhe nga moderatorja e njohur e Kosovës.
Por në fakt vetë Egzona ka mohuar gjithçka. Mbrëmjen e djeshme në momentin kur moderatorja ka hyrë brenda shtëpisë së ‘Big Brother-it” ka deklaruar se Dj Dagz është thjesht miku i saj dhe se kanë një raport që nuk kalon përtej miqësisë.
Kjo gjë është vërtetuar më së miri edhe nga fotot e publikuara në mediat rozë, ku shihet qartë Dj Dagz pranë ish të dashurës së tij e cila nuk është Egzona Rafuna por gazetarja Ariana Berisha, me të cilën ka pasur një lidhje mjaft të gjatë.
