Ulja e temperaturave ka sjellë një serë problematikash në qytetin e Korçës. Edhe ditën e sotme, qyteti juglindor është zgjuar nën pushtetin e akullit ku në rrugë dhe trotuare është e vështirë mjaft për qarkullimin e automjeteve dhe qytetarëve. Vetëm ditën e djeshme u shënuan mbi 20 raste të qytetarëve me fraktura dhe shembje si pasojë e rrëshqitjes në akull. Shuëm prej qytetarëve u dërguan për ndihmë në spital dhe disa prej tyre kishin edhe gjymtyrë të thyer. Duket se Bashkia e qytetit juglindor është e pafuqishme për të përballuar situatën e krijuar nga ulja e temperaturave.