Korçë/ Izolohen të gjitha vatrat e zjarrit. Në juglindje, u dogjen mbi 30 ha pyll dhe 200 ha u pershkuan nga zjarri. Të gjitha vatrat e zjarrit qē ishin aktive në juglindje janë izoluar. Zjarri që përfshiu prej të dielës masivin pyjor të Krushovës në njësinë administrative të Voskopojës është izoluar plotēsisht,ndërsa në terren vijojnë të qëndrojnë forcat operacionale,për të ndërhyrë nē rast të aktivizimit të zjarrit.
Edhe vatrat e zjarrit në zonën e mbrojtur të Gurit të Nikës në Mokër të Pogradecit janë fikur. Sipas një bilanci paraprak,zjarri ka përshkuar 21 ha pyll me pisha dhe ah.
Në Vithkuq zjarri që ra pasditen e së hënës në kodrat e fshatit Leshnjë u vu nën kontroll pas disa orësh. Të gjtha vatrat e zjarrit të ditëve të fundit dyshohet të jenë të qëllimshme,por deri tani policia nuk ka arritur tē identifikojë personat përgjegjës për qindra ha pyje të dëmtuara nga zjarri.
