Një ngjarje tragjike ka ndodhur sot në fshatin Floq të Korçës, ku një shtetas indian ka humbur jetën pranë gurores së zonës. Sipas informacioneve paraprake, viktima është aksidentuar, duke pësuar lëndime fatale.
Rrethanat e ngjarjes mbeten ende të paqarta, ndërsa autoritetet po vijojnë hetimet për të zbardhur shkaqet e aksidentit. Policia ka nisur procedurat e nevojshme dhe pritet që në kuadër të hetimeve të merren në pyetje edhe administratorët e gurores.
