Autoritetet shëndetësore në Korenë e Jugut kanë konfirmuar ditën e sotme katër viktima nga koronavirusi, duke e çuar në 26 numrin e të vdekurve në vend.
Ndërkohë edhe Forcat e Armatosura të Koresë së Jugut konfirmuan disa raste të reja që përfshijnë personelin ushtarak duke sjellë numrin e përgjithshëm të rasteve brenda forcave të armatosura në 28. Numri i të infektuarve në të gjithë vendin ka shkuar në 4,212.
Pacienti më i ri i infektuar me koronavirus në Korenë e Jugut është një foshnjë 45-ditëshe, prindërit e të cilit gjithashtu janë mbartës të virusit, shkruan CNN.
”Foshnja rezultoi pozitive në 29 shkurt. Nëna e tij rezultoi pozitive në të njëjtën ditë, dhe babai i tij tashmë ishte konfirmuar me koronavirus më 27 shkurt”, tha guvernatori krahinor Gyeongsang i Veriut Lee Cheol-woo.
Babai i foshnjës nuk është anëtar i grupit fetar Shincheonji, siç raportohet nga shumë media.
Trajtimi në komunitet: Koreja e Jugut po cakton disa qendra të trajtimit të komunitetit për rastet e konfirmuara të koronavirusit me simptoma të buta dhe kushte shëndetësore më pak serioze, në përpjekje për të siguruar trajtime të duhura mjekësore për pacientët me kushte serioze. /Ora News.tv/
