Drejtoria e Përgjithshme e Burgjeve vendosi të mos pezullohen takimet me familjarët. Vendimi u mor në mbledhjen urgjente që u mbajt paraditen e sotme për të vendosur për masat që do të merren nëpër të gjitha burgjet e vendit.
“Zyrtarisht, nga Drejtoria e Përgjithshme e Burgjeve konfirmojnë se është vendosur të mos pezullohen takimet me familjarët” informon gazetarja e Ora News, Keti Banushi.
Ndërkohë, po përgatiten ambjentet në gjitha burgjet, së bashku me ekipet mjekësore, të cilët do të zhvillojnë kontrolle tek të gjithë të burgosurit, edhe pse nuk ka ndonjë rast konkret të paraqitur tek ndonjë prej të burgosurve. Kontrolle do të ketë edhe për të gjithë familjarët që do shkojnë për takim. Burimet saktësojnë se DPB ka marrë të gjitha masat e nevojshme për të përballuar situatën e krijuar.
