Komisioni Disiplinor i KPA vendosi këtë të enjte shkarkimin nga detyra të gjyqtarit të Kolegjit të Posaçëm, Luan Daci. Daci është dënuar me 6 muaj burgim, por që u pezullua me një 1 vit shërbim prove. Komisioni Disiplinor çmoi se natyra dhe rrethanat e kryerjes së shkeljes disiplinore për shkak të dënimit për kryerjen e një krimi, e bën gjyqtarin të papërshtatshëm për vijimin e funksionit të tij kushtetues.
Daçi akuzohet për falsifikim dokumentesh. Ai nuk ka treguar shkarkimin nga detyra në ’97, por ka deklaruar në kohën që tentoi dhe arriti të bëhej anëtar i KPA-së, se është larguar me dorëheqje dhe për këtë arsye është cilësuar fajtor.
