Shefja e shërbimeve teknologjike të OpenAI, Mira Murati, poeti i njohur nga Kosova, Lulzim Tafa dhe profesori në Universitetin e Birminghamit, Gëzim Alpion janë pranuar sot si anëtarë të jashtëm të Akademisë së Shkencave të Shqipërisë.

Vendimi u mor ditën e sotme kur Asambleja e Akademisë së Shkencave votoi dhe miratoi pranimin si akademikë edhe të disa personaliteteve të tjera si koreografi Angjelin Prejlocaj dhe shkrimtarja Lea Ypi.

E lindur në Shqipëri dhe e shkolluar në Kanada, Mira Murati është një inxhinierja e cila ndërtoi një makinë hibride garash si studente universitare në Kolegjin Dartmouth. Ajo iu bashkua OpenAI-së në 2018 pas qëndrimeve në Tesla, ku luajti një rol kyç në zhvillimin e makinës Model X dhe Leap Motion, një start-up që zhvilloi një sistem kompjuterik për të gjurmuar lëvizjet e duarve dhe gishtave. Murati tha se puna e saj në Tesla e ekspozoi atë ndaj AI-së dhe e frymëzoi të kërkonte një punë në atë fushë.

OpenAI e punësoi atë si zëvendëspresidente të inteligjencës artificiale të aplikuar dhe partneriteteve. Në atë kohë, kompania ishte një organizatë jofitimprurëse e përkushtuar për të siguruar që inteligjenca e përgjithshme artificiale të përfitonte të gjithë njerëzimin. Më vonë ajo u ristrukturua si një kompani fitimprurëse në mënyrë që të mund të mblidhte shumat e mëdha të parave të nevojshme për të ndërtuar teknologjitë e saj të AI