Kreu i SPAK Altin Dumani është takuar me ndihmës sekretarin Amerikan të Shtetit, Jim O’Brien dhe zv.ndihmës sekretaren për çështjet Europiane, Yuri Kim, gjatë vizitës së tij në SHBA.
Ndihmës Sekretari Amerikan i Shtetit, Jim O’Brien shkruan në ‘X’ se SHBA mbështet Reformën në Drejtësi dhe përsërit frazën që ‘askush nuk është mbi ligjin’.
“I kënaqur që takova shefin e SPAK-ut, Altin Dumanin. Është mbresëlënëse të shohësh reformën në drejtësi që jep rezultate reale për popullin shqiptar, duke treguar me veprime se askush nuk është mbi ligjin. SHBA do të vazhdojë të mbështesë fuqishëm reformën në drejtësi, e cila është thelbësore për të ardhmen e Shqipërisë në BE.”
