Astrologu shqiptar, Jofiel Koço, ka qenë i ftuar në një emision në të cilin ka folur rreth deklaratave të tij të mëparshme, ku kishte thënë se Krishti ka lindur nga ngjizja me një alien.
Koço gjithashtu foli dhe për gjendjen e tanishme të koronavirusit, vaksinës dhe izolimit.
“Unë hedh ide të guximshme por nuk janë kot, nuk janë blofe dhe nuk janë të pa studiuara. Bilës kjo ideja është që Vatikani sot, meqë jemi tek Krishti, do të hap shumë sekrete të cilat kanë qenë të vulosura në bibliotekën e tij. Unë jam vetë një besimtar por unë e shoh me egosticizëm”, tha astrologu.
“Janë dy rryma që studiojnë misteret e kristianizmit. Është martinizmi, dhe gnosticizmi dhe unë i njoh shumë mirë këto dy rryma. Pra unë vij nga një linjë besimtare, por nuk jam një besimtar tradicionalist i cili kënaqet me pak informacion. Sot me epokën e globalizmit, njeriu do zbehet në besim, por do rritet shumë në dije. Besimi do të zëvendësohet nga dija. Njerëzit nuk do kenë më nevojë të besojnë sepse do t’i dinë gjërat”, ka thënë Koço në OraNews.
“Dikur para dy tre mijë vjetësh, njerëzit nga qe kishin injorancë dhe mos shkollim, kishin nevojë të besonin”- u shpreh Jofiel Koço. Por jo vetëm për Krishtin, ai foli edhe për alienët, iluminatin dhe fundin e botës.
